WIRE — DAKAR, Senegal: MAHAKAMA ya Juu ya Senegal imeondoa marekebisho kwenye katiba ya taifa hilo ambayo yangebadilisha usawazishaji wa mamlaka serikalini. Korti ilibaini kuwa marekebisho hayo yaliyopitishwa na kuidhinishwa na Bunge la Kitaifa mnamo Juni 29, yalienda kinyume na katiba. Kati ya marekebisho hayo yalikuwa yale ya kumzuia rais aliye madarakani kuhudumu kama kiongozi wa chama cha kisiasa. Rais wa Senegal Bassirou Diomaye Faye wiki jana alisema alikuwa anapanga kuanzisha chama chake cha kisiasa. Shinikizo za kubadilisha katiba zimekuwa zikiendeshwa na chama tawala cha Pastef ambacho kinaongozwa na Spika na aliyekuwa Waziri Mkuu Ousmane Sonko. Wakosoaji wanasema marekebisho hayo yalikuwa njama ya mrengo wa Sonko kutwaa mamlaka. Faye alimtimua Sonko kama mkuu wa serikali mnamo Mei. Mahakama hiyo ya kikatiba ilisema Faye aliiomba iangazie marekebisho hayo na ibaini iwapo wanasiasa wa upinzani walikuwa wamefuata sheria. Uhasama kati ya Sonko na Faye ambao walikuwa washirika wa zamani, huenda ukakwamisha juhudi za Senegal za kupata suluhu kuhusu malipo ya madeni mengi ambayo yameisakama. Sonko alisema anaheshimu uamuzi wa mahakama.
"We aggregate wires to encourage regional discovery, sending readers directly back to the original source to explore full coverage."
This is a normalized overview of the breaking feed event. The complete, official release detailing all points, background context, and statements remains hosted by the original publisher.